От ыйын 6 күнүттэн эдэр дьон e-yakutia.ru портал нөҥүө «Эдэр ыалы дьиэнэн хааччыйыы бырагыраамаҕа” кыттыахтарын сөп. Бу туһунан СИА иһитиннэрэр.
Сайаапкалары e-yakutia.ru портал нөҥүө электронно тутуохтара. Бэрэбиэркэ кэннэ, өскөтүн эһиги сайаапкаҕыт ирдэбиллэргэ эппиэттиир буоллаҕына, дөкүмүөннэргитин тэҥнии, Дьокуускайдааҕы дьиэ-уот сыһыаннаһыыларын департаменыгар тус кабинеккытыгар ыҥырыы кэлиэ. Ыҥырыы күннээх, чаһылаах буолуо.
Сайаапкаҕытын от ыйын 6 күнүттэн 29 күнүгэр диэри биэриэххитин сөп.
Сиһилии иһитиннэриини 8 (4112) 22-60-18 төлөппүөнүнэн эбэтэр djoyakutsk.ru аадырыска киирэн билсиэххитин сөп. Техническэй көмө нүөмэрэ 8-800-100-77-88.
This post was published on 06.07.2020 18:16 18:16