26 От ыйа 26.07
  • 20°
  • $ 85,41
  • 93,17

Эдэр саас, кэрэ саас

18:32, 16 февраля 2016
Текст:
Читайте нас на
Яндекс Новости
ЯДВ

Сандал сааһы көрсө Дьокуускайдааҕы культура уонна искусство колледжа бар дьонугар, истиҥ-иһирэх көрөөччүлэригэр ураты кэнсиэри бэлэхтиирин туһунан колледж директора Захар Никитин иһитиннэрэр.


Сценаҕа ыллаан-үҥкүүлээн биһирэбили ылбыт, көрөөччүлэр куттарын туппут дьон-сэргэ сөбүлүүр артыыстара — култуурунай-сырдатар училищены араас сылларга үөрэнэн бүтэрбит выпускниктар Өксөкүлээх Өлөксөй аатынан култуура киинигэр түмсэн, эдэр сааһы эргитэр, кэрэ сааһы санатар кэнсиэри бар дьоҥҥо бэлэхтиэхтэрэ. Бу дьоро киэһэҕэ Сардана Осипова, Наталья Михайлова, Николай Прокопьев, Савва Вензель уо.д.а. 70-с, 80-с сыллардааҕы ыччат кутун туппут, сүрэҕин долгуппут ырыалары ыллыахтара.

«Долгутуулаах уонна күүтүүлээх тэрээһин Дьокускайдааҕы култуурунай-сырдатар училище уонна бу үөрэх кыһатыттан ситим тардыбыт, силигилээбит култуура колледжын үбүлүөйдээх сылларыгар ананар», — диэн Захар Никитин бэлиэтээн эттэ. Бу күн училищеҕа, колледжка араас сылларга үлэлээбит, үөрэммит дьон түмсэн ирэ-хоро сэһэргэһиэхтэрэ, үөрүүнү үксэтиһиэхтэрэ.

Следите за самым важным и интересным в Telegram-канале и WhatsApp-группе ЯСИА