«Айар уустар» креативнай индустрия колледжыгар «Профессионалы — 2023»чемпионат былаһааккатыгар «Технологии моды» компетенцияҕа күрэхтэһэллэр. Эдэр дизайнердар былааччыйа тигиэхтээхтэр.
Хатас оскуолатын үөрэнээччитэ Виталина Сивцева эппитинэн, иистэнии — дьиэ кэргэн дьыалата.
— Ийэм, эбэм иистэнэллэр. Кинилэри көрөн тигии хоббим буолбута, бэһис кылаастан дьарыктанабын. Баҕар дизайнер буолуоҕум улааттахпына. Профессиональнай маастарыстыба чемпионатыгар бу бастакы кыттыым буолбатах. Кыайыыга эрэллээхпин, — диэтэ кыыс.
«Профессионалы — 2023» идэҕэ маастарыстыба чемпионатын чэрчитинэн ыытыллар. Үлэ ырыынагар наадалаах исписэлиистэр бу күннэргэ бэйэлэрин билиилэрин уонна сатабылларын көрдөрөллөр.
This post was published on 23.03.2023 17:01 17:01