Эбээн-Бытантай оройуонугар быыһааччылар бу иннинэ убайын уонна эдьиийин кытта күүлэйдии сылдьан сүппүт 3 саастаах оҕону ыарахан туруктаах сылдьарын булан, балыыһаҕа киллэрдилэр. Бу туһунан быыһыыр сулууспа пресс-сулууспатыгар иһитиннэрэллэр.
От ыйын 22 күнүгэр Кустуур нэһилиэгэр 2019 с. төрүөх оҕо убайын уонна эдьиийин кытары күүлэйдии сылдьан сүппүтүн туһунан иһитиннэрии киирбитэ. Олохтоох нэһилиэнньэттэн 50-чэ дьон-сэргэ көрдөөн саҕалаабыттара.
Тута миэстэтигэр аҕыс быыһааччы уонна ИДьМ алта үлэһитэ кэлэн оҕону салгынтан көрдөөһүнү тэрийдилэр. Ону тэҥинэн сиринэн көрдөөһүн бара турбута. Балтараа чаас буолан баран,салгынтан көрөн оҕону Кустуур нэһилиэгиттэн 6 км тэйиччи сытар бадарааннаах сирдэргэ булбуттар.
This post was published on 24.07.2023 09:01 09:01