Быйыл Эбээн Бытантай улууһугар 350 туонна от былааннаммыта. Сайын устата үлэ тэрээһиннээхтик ыытыллан, 380 туонна бэлэмнэннэ.
Аллараа Бытантай нэһилиэгин олохтооҕо Максим Аммосов салайааччылаах биригээдэтэ саамай элбэх оту ылла. Үөһээ Бытантай нэһилиэгэ 50 туоннаны бэлэмнээтэ.
Сайын устата окко үлэлээбит, былааннарын толорбут отчуттар бу күннэргэ хамнастарын тутаары сылдьаллар.
Саха ынаҕын иитэр «Бытантай» тэрилтэ салайааччыта Лена Бочкарева кэпсииринэн, от үлэтин ордук кытыы сытар нэһилиэктэр кыайа туппуттар.
Бу иннинээҕи сыллары кытта тэҥнээн көрдөххө, от үлэтэ күүскэ барбыт.
Ааптар: Марианна Слепцова.
