Россия сүүмэрдэммит хамаандата норуоттар икки ардыларынааҕы күрэхтэһиилэргэ билигин национальнай былааҕынан кыттар, оттон кыайыылаахтары наҕараадалааһын сиэригэр-туомугар дойду гимнэ тыаһыаҕа. Тустаах быһаарыыны Норуоттар икки ардыларынааҕы дзюдо федерацията ылынна, диэн ЯСИА иһитиннэрэр.
Россия дзюдо Федерациятыгар кэпсээбиттэринэн, дойду сүүмэрдэммит хамаандата бэйэтин былааҕынан аан дойдуга бастакы старта сэтинньи 28-30 күннэригэр Абу-Дабига буолар “Большой шлем” турнирга буолуоҕа.
Бу күрэхтэһиигэ 52 киилэҕэ диэри дойду хамаандатын Саха сириттэн икки төгүллээх Россия чемпиона Карина Ефимова көрдөрүөҕэ.
«Маннык историческай быһаарыыны аан бастакынан норуоттар икки ардыларынааҕы дзюдо ылыммытыгар үөрэбит. Уопсай киһи аймах сыаннастарыгар уонна уопсай үтүө туһугар эрэллээҕэр үөрэбит. Дзюдо хорсун быһыыны, дьулууру, сиэрдээҕи үөрэтэр. Бу уларыйбат IJF постулат: спорт дойдулар икки ардыларыгар эйэни, өйдөбүлү бөҕөргөтүөхтээх. Билигин бары ону дьыалаҕа өссө төгүл итэҕэйэр кыахтанныбыт», — диэн Арассыыйа дзюдо Федерациятын президенэ Сергей Соловейчик тэрилтэ пресс-сулууспатыгар быһаарда.
This post was published on 28.11.2025 17:13 17:13