21 От ыйа 21.07
  • 22°
  • $ 88,02
  • 96,04

«Дыгын» тыыннаах номохторо Иннокентий Макаров, Николай Дьяконов, Иван Белолюбскай

14:20, 24 июня 2018
Текст:
Читайте нас на
Яндекс Новости
ЯДВ

Бүгүн Дыгын оонньууларын кэмигэр урукку сылларга үстэ чөмпүйүөннээбит Иннокентий Макаров, алтата чөмпүйүөннээбит Николай Дьяконов, сэттэтэ чөмпүйүөннээбит Иван Белолюбскайга тэрийээччилэр кыһыл көмүс өйдөбүнньүк мэтээллэри туттардылар. 

Кинилэр быйылгы оонньууга маннык сыанабылы биэрдилэр:

Иннокентий Макаров: «Ыччат сайдан иһэрэ олус үөрдэр. Кыра уолаттар кинилэр курдук буолуон баҕараллара үрдүккэ, ырааска тардар. Уопсай бэлэмнэрин көрдөххө, Егор Филиппов бастыыр кыахтаах». 

Николай Дьяконов: «Олус үчүгэй күрэхтэһии буола турар. Түгэнинэн туһанан, Сахам сирин олохтоохторугар ситиһиини, табыллыыны, доруобуйаны баҕарабын!».

Иван Белолюбскай: «Мин дьарыктыыр «Боотур» спорт-кулууп уолаттара баҕа хоту кытта сылдьаллар. Былырыын кыттарбар эрдэттэн сыал-сорук туруорунан кыттыбытым. Билигин баҕа суох, барыта туолан, таһынан баран турар. Уолаттарбытыгар ситиһиини баҕарабын».

Оҕунан ытыы уонна 400 м. сүүрүү түмүгэ:

Билигин 14:30ч. балаһыанньанан, Егор Филиппов (Хаҥалас) бастаан иһэр, иккис — Николай Матаннанов (Таатта), үһүс — Айсен Ботуев (Үөһээ Бүлүү). Инники хапсаҕай уонна таас көтөҕүү буолар. Кыттаачылар биир-икки очконан арыттаах иһэллэр, онон балаһыанньа тосту уларыйыан сөп. 

Дыгын оонньууларын бастакы күнэ: Филиппов бастаан иһэр

Николай Попов, «Саха сирэ», edersaas.ru

1

0
Следите за самым важным и интересным в Telegram-канале и WhatsApp-группе ЯСИА