2024 сылга Саха сиринээҕи национальнай многоборье Федерациятын былаана бигэргэннэ. Барыта 12 күрэхтэһии ыытыллыаҕа. Дыгын Оонньууларыгар путевка иһин үс турнир ыытыллыаҕа, суруйда ЯСИА.
Бастакынан Дыгын Оонньууларын сэттэ төгүллээх чемпиона Иван Белолюбскай бирииһигэр Кубок олунньу 17 — 18 күннэригэр Уус Алдан улууһугар тэриллиэҕэ. Спорт 7 көрүҥэр киирсиэхтэрэ. Манна Дыгын Оонньууларыгар түөрт путевка туттарыллыаҕа.
Өссө түөрт путевканы өрөспүүбүлүкэ чемпионатыгар ылыахтара, тэрээһин Дьокуускайга кулун тутар 13 — 14 күннэригэр ыытыллара былааннанна.
Өссө түөрт путевка киин куоракка муус устарга ыытыллар сүүмэрдиир түһүмэххэ бэриллиэҕэ.
Дыгын Оонньуулара сайын Туймаада ыһыаҕар тэриллэр.
This post was published on 13.12.2023 11:03 11:03