«Дыгын оонньуулара-2026» күөн күрэскэ кимнээх кытталлара билиннэ. Национальнай многоборье турнира Туймаада ыһыаҕын кэмигэр ыытыллар. 16 бастыҥ спортсмен үс мөлүйүөн харчы уонна Дьокуускайга кыбартыыра иһин киирсиэхтэрэ. Быйыл Үс Хатыҥҥа буолар илин-кэлин былдьаһыы тыҥааһыннаах күннэрин атлеттарын ааттарын ЯСИА суруналыыһа Дьулустаан Сергеев суруйда.
Амматтан Борис Сдвижков 2025 сыллааҕы «Дыгын оонньууларын» кыайыылааҕын быһыытынан киирсэр.
«Манчаары оонньууларын» икки төгүллээх чөмпүйүөнэ Николай Матаннанов 16 спортсментан саамай уопуттаахтара.
Национальнай ыстаныыларга спорт маастара Яков Дмитриев быйыл многоборьеҕа Саха сирин чөмпүйүөнүн аатын ылбыта.
Кэбээйи улууһуттан өссө биир спортсмен Артём Дьяконов былырыын кыайыыга биир хардыынан тиийбэтэҕэ, ол иһигэр тааһы көтөҕүүтэ мэһэйдээбитэ.
Тимофей Большаков икки сыллааҕыта «Бүлүү боотура» турнир бөдөҥ кыһыл көмүһүн ылбыта.
Орто Халыма атилета Алексей Созонов хотугу многоборьеттан кэлбитэ, спорт маастара.
Алексей Соколов Сунтаар улууһун бэрэстэбиитэлэ, «Боотур» кулууп иитиллээчитэ.
Ариан Мярин ааспыт нэдиэлэҕэ сенсация оҥорбута, Иннокентий Макаров турнирыгар бастаабыта.
Үөһээ Бүлүүттэн Владимир Шологонов путевка иһин тиритэ-хорута үлэлээтэ.
Саҥа аат Юрий Копырин 22 саастаах, Чурапчы уонна Уус Алдан улуустарыттан төрүттээх.
Мэҥэ Хаҥаластан Руслан Слепцов кыттар.
Чурапчыттан алтыс төгүлүн Павел Друзьянов күрэхтэһии туонатыгар тахсыаҕа.
Уус Алдантан Илья Карамзин бастакытын кыттар.
Рейтинг быһыытынан салгыы Александр Пшенников суруллар.
Хапсаҕайга күүстээх спортсмен Айсен Семёнов эмиэ киирсиэҕэ.
Түмүктүүр путёвканы Дьокуускайтан Иван Степанов ылла.
Сиһилии сигэнэн ааҕыҥ.
