Дьокуускайга кэлэр сылларга Духуобунас киинэ тутуллуоҕун туһунан Ил Дархан бэҕэһээ Ил Түмэҥҥэ анал туһаайыытын кэмигэр эппитэ.
«Норуокка ураты суолталаах, саха култууратын, үгэһин үйэтитэргэ анаммыт киин тутуутун туһунан сөбүгэр этиллибит дьоһуннаах көҕүлээһини өйүүбүн», — диэтэ Ил Дархан.
Баай-дуол, сир сыһыаннаһыыларын министиэристибэтигэр туһаайан Айсен Николаев эһиил Киин тутуллар сирин аныыры эттэ.
Киин тутуутун режиссер Никита Аржаков өйүүрүн биллэрдэ. Кини Киин саха норуотун түмэрин, төрүттэрин үөрэтэргэ көҕүлүүрүн таһынан, экэниэмикэ өттүнэн эмиэ табыгастаах буолуон эттэ.
This post was published on 25.12.2020 16:07 16:07