«Биһиэхэ Белогорскайга БПЛА оператордарын оскуолата баара. Биллэн турар, бу билиҥҥи курдук буолбатах. Кабинекка дьарыктанарбыт, онно өссө гитаристар бааллара. Симулятордарга салайарга үөрэммиппит. Кэлин техническай чааһа тупсубута», — диэн кэпсиир Пархомова.
Эдэр чемпионка төрөппүттэрэ бэйэлэрэ кыыстарын бу хайысхаҕа аҕалбыттар, ити эрээри техникумҥа киирэрин биһирээбэтэхтэр.
«Медицинаҕа барыахпын баҕарбыттара. Хоббибын уонна идэбин бииргэ тутар наада этэ. Бэйэм талбыт суолбун «Муус устар» бэстибээл кыттыылаахтарыгар баҕарабын. Сөбүлээтим, бэстибээл салгына үчүгэй, Дьокууска эмиэ кэрэ, интэриэһинэйэ элбэх», — диэтэ Арина Пархомова.
Санаттахха, Арина бэстибээлгэ Амур уобалаһын хамаандатын састаабыгар киирсэн кэлбит. Приамурья хамаандата Саха сирин дроннары салайар оператордарын кытта уопут атастастылар.
This post was published on 21.03.2025 15:58 15:58