15 От ыйа 15.07
  • 18°
  • $ 87,74
  • 95,76

Доруобуйаларынан хааччахтаах оҕолор ийэлэрэ «Бэйэҕэр итэҕэй» бырайыакка кытыннылар

Читайте нас на
Яндекс Новости
ЯДВ

Сылын ахсын Горнай улууһугар баһылык Никита Андреев улуус дьиэ кэргэттэрин өйүүр тэрээһиннэргэ грантовай куонкуруһу ыытар. Быйылгы 2023 сылга Мытаах нэһилиэгиттэн бу куонкурска икки бырайыак кыайан, гран ылан, бу күннэргэ бырайыактарын олоххо киллэрдилэр диэн, НВК Саха телеграм-ханаал суруйар.

Ол курдук, алтынньы ый 18 күнүгэр, «Бэйэҕэр итэҕэй» бырайыак чэрчитинэн (ааптардар Евдокия Пахомова, Снежана Чемезова), улуус нэһилиэктэриттэн хомуллан, доруобуйаларынан хааччахтаах оҕолор ийэлэрэ Дьокуускай куоракка ыытыллар тэрээһиҥҥэ сылдьан кэллилэр.

Ийэлэр өрөспүүбүлүкэтээҕи доруобуйаларынан хааччахтаахтары реабилитациялыыр интэрнээт-техникумугар сырыттылар.
Оҕолор хайдах усулуобуйаҕа олороллорун, үөрэнэллэрин, илэ харахтарынан көрөн сэргээтилэр.

Саха Өрөспүүбүлүкэтин дьахталларын сэбиэтин бэрэссэдээтэлэ Анжелика Андрееваны, доруобуйаларынан хааччахтаах оҕолору өйүүр «Харысхал» пуонда бэрэстэбиитэлэ Антонина Попованы кытта көрсөн кэпсэттилэр.

Түмүккэ ийэлэр бу күн сүрдээх сэргэхтик, туһалаахтык ааспытын бэлиэтээтилэр, бырайыак ааптардарыгар улахан махталларын тиэртилэр.

Следите за самым важным и интересным в Telegram-канале и WhatsApp-группе ЯСИА
Тутаах тыллар