Олунньу 26 — кулун тутар 6 күннэригэр Саха сирин доруобуйа харыстабылын министиэристибэтэ Доруобуйа национальнай күнүгэр анаммыт декаданы ыытар. Россияҕа дьиэ кэргэн, Саха сиригэр оҕо саас сылларыгар ананар.
Декада кэмигэр доруобуйа дьаарбаҥкалара, медицина тэрилтэлэригэр аһаҕас аан күннэрэ, араас ыарыыларга информация, чөл олоҕу тутуһууга пропаганда, Арктика улуустарыгар мобильнай биригээдэлэр десаннара, доруобуйа уруоктара уонна да атын мероприятиелар буолуохтара.
Саха сиригэр доруобуйа национальнай күнэ 2000 сыллаахтан ыытыллар, олунньу бүтэһик өрөбүлүгэр буолар.
