«Доруобуйа харыстабыла» национальнай бырайыак чэрчитинэн өрөспүүбүлүкэ медицинскэй тэрилтэлэригэр массыынаны атыылаһыы салҕанан барар. Ол курдук 2022 сылга 65 мөл. 600 тыһ. солк. харчыга 53 массыынаны атыылаһар былааннаахтар. Бырагырааманы үбүлээһин икки источниктан турар — федеральнай уонна өрөспүүбүлүкэ бүддьүөтэ диэн СИА-ҕа Саха сирин Доруобуйа харыстабылын министиэристибэтин пресс-сулууспата иһитиннэрэр.
Доруобуйа харыстабылын миниистрэ Лена Афанасьева: «Бүгүн медицинскэй тэрилтэлэр материальнай- техническэй базаларын тупсарыыга өрөспүүбүлүкэ салалтатын өттүттэн улахан үлэ ыытыллар. Саҥардыыны медтиэхиникэҕэ эрэ буолбакка, медицина объектарын уонна массыыналары таарыйда. Маннык быһаарыыны, биһиги территориальнай уратыбытынан сибээстээн ылыннылар, элбэх нэһилиэктэр оройуон кииниттэн тэйиччи сыталлар«.
