22 От ыйа 22.07
  • 15°
  • $ 88,02
  • 96,04

Дьокуускайы буруо сыта тунуйда

17:57, 09 июля 2018
Текст:
Читайте нас на
Яндекс Новости
ЯДВ

Бүгүн сарсыарда Дьокуускай куорат олохтоохторо буруо сытыттан уһугуннулар.


Дьокуускайга буруо чугастыы сытар Нам улууһуттан тыал хоту кэлэрэ чуолкайданна. Санатан эттэххэ, Намҥа 2323 га иэннээх 5 ойуур баһаара умайа турар.Таһырдьа умайбыт сыт кытары кэлэр. Саха сирин 11 улууһугар 19 ойуур баһаара буола турара бэлиэтэнэр.  Роспотребнадзор бэлиэтииринэн, Дьокуускай куорат салгыныгар киһи доруобуйатыгар буортулаах эттиктэр үөскээбэтэхтэр. Салгын ырааһын куорат 4 араас миэстэтигэр бэрэбиэркэлээбиттэр. Углерод, азот оксида уонна азот диоксида нуорматтан үрдээбэтэҕэ бэлиэтэнэр. Ол оннугар, Томпо улууһун Хаандыгатыгар буруоттан сылтаан салгын киртийбитэ быһаарыллыбыт. Атын улуустарга салгын киртийиитэ нуорматтан тахса илик.

Николай ПОПОВ, «Саха сирэ» хаһыат, edersaas.ru

Следите за самым важным и интересным в Telegram-канале и WhatsApp-группе ЯСИА