Дьокуускайга Звезднай микрооройуон тутулла турар С секторыгар 315 миэстэлээх дьыссаат тутуута саҕаланна. Бырайыак быһыытынан, бу үс этээстээх, таһыгар оҕо оонньуур былаһааккалаах буолуоҕа. Ол туһунан «РИА» тэрилтэ пресс-сулууспата иһитиннэрдэ.
«Сыбаайатын ууруу саҕаланна. Эбийиэги 2025 сылга үлэҕэ киллэрэр былаан баар. Дьыссааты таһынан бу микрооройуоҥҥа 990 миэстэлээх оскуола уонна поликлиника тутуллуохтаахтар», — диэн суруллар иһитиннэриигэ.
Микрооройуоҥҥа олорор дьиэлэри таһынан социальнай уонна спортивнай эбийиэктэр тутуллаллар, тырааныспар инфраструктурата эмиэ хааччыллар.
This post was published on 08.02.2024 10:01 10:01