Саха сирин өрүстэригэр муус 1-3 суукка эрдэ хамсыыра күүтүллэр. Саха гидрологтара өрүстэр бары эрдэ эстиэхтэрэ диэн сабаҕалыыллар.
Ленскэй уонна Өлүөхүмэ оройуоннарыгар өрүс ыам ыйын 8-15 күннэригэр хамсыаҕа, Покровскайга — Дьокуускайга — Хаҥаласка ыам ыйын 15-18 күннэригэр, Сангаарга — ыам ыйын 19-21 күннэригэр, Күһүүргэ — ый бүтэһик күннэригэр хамсыыра күүтүллэр. Ыам ыйын иккис декадатыгар муус Алдан, Амма уонна Бүлүү өрүстэргэ устуоҕа.
Саха сирин хоту уонна хотугулуу-илин өрүстэригэр муус ыам ыйын үһүс декадатыгар, бэс ыйын бастакы аҥаарыгар хамныаҕа.
This post was published on 14.04.2023 17:05 17:05