Хаартыска: Саргын Скрябин, ЯСИА
Өрөгөйдөөх арыллыытыгар вице-премьер Сергей Местников кыттар. Кини өрөспүүбүлүкэҕэ волейбол сайдыытын кэпсээтэ.
«Турнир спорт тэрээһиннэрин былааныгар олоҕуран ыытыллар. Волейбол Саха сиригэр үчүгэй тэтимнээхтик сайдар. 32 тыһыынчаттан тахса киһи систиэмэлээхтик дьарыктанар, бу олус үчүгэй көрдөрүү. Олохтоохторго олус интэриэһинэй. Элбэх көрөөччүлээх барар күрэхтэһиилэр», — диэтэ Сергей Местников.
Күрэхтэһии арыллыытыгар махтал суруктары тутардылар.
Хаартыска: Саргын Скрябин, ЯСИА
«Россия ыччатын сайыҥҥы спартакиадатыгар бэлэмниир түһүмэх буолар. Сүдү суолталаах киирсии. Бастыҥ хамаанда уокуругу Россияҕа көмүскүүр. Дойду 12 күүстээх хамаандата сайын тургутуһуоҕа», — диэтэ ЯСИА-ҕа волейбол федерациятын Уһук Илиҥҥи ассоциациятын бэрэссэдээтэлэ Олег Павкин.
Хаартыска: Саргын Скрябин, ЯСИА
Онлайн-трансляция Россия волейболун федерациятын платформатыгар көстөр. Күрэхтэһии муус устар 5 күнүгэр диэри салҕанар.
