Олимпийскай чөмпүйүөн, САССР, РСФСР, СССР үтүөлээх тренера Роман Дмитриев кэриэһигэр анаммыт VIII-с Норуоттар ардыларынааҕы тустууга юниордар күрэхтэрэ Дьокуускайга «Триумф» спортсаалаҕа муус устар 29 – ыам ыйын 1 күннэригэр ыытыллыа. Күрэххэ 2000-2002 сыллаах уолаттар кыттыахтара. Бу туһунан Sportyakutia.ru суруйар.
«Күрэхтэһиигэ Молдова, Узбекистан, Казахстан, Белоруссия, Азербайджан уонна Кыргызстан бөҕөстөрө кэлэллэрэ күүтүллэр. Маны таһынан Бурятияттан, Тываттан, Аланияттан, Чечняттан, Дагестантан, Санкт-Петербургтан, Москуба уобалаһыттан тустууктар кэлиэхтэрэ», — диир спорт миниистирин бастакы солбуйааччы Леонид Спиридонов.
Күрэхтэһии чэрчитинэн Роман Дмитриев пааматынньыгар сибэкки ууруохтара, Александр Игнатьевка анаммыт «Жизнь, отданная спорту» кинигэ сүрэхтэниитэ буолуо.
This post was published on 20.04.2021 15:03 15:03