Дьокуускайга уонна өрөспүүбүлүкэ кэккэ оройуоннарыгар нуорматтан үрдүк температура бэлиэтэнэр. Күн-дьыл хайдах буоларын ЯСИА кэпсээтэ Саха сиринээҕи УГМС метеорологическай уонна агрометеорологическай билгэлээһиннэр отделларын начаалыньыга Саргылана Никитина.
«Улахан тымныыны билиҥҥитэ күүппэппит. Ол гынан баран, нэдиэлэ бүтүүтэ циклоннар киин оройуоннарга кыратык хаар аҕалыахтара, температура эрэһиимэ намтаан барыа. Бу нэдиэлэҕэ Дьокуускайга күн-дьыл улахан уларыйыытын күүппэппит. Оттон өрөбүл күн түүн -16, күнүс — -8 кыраадыска диэри күүтэбит. Хаар чэппиэртэн кыралаан түһэн саҕалыаҕа», — диэн Саргылана Никитина кэпсээтэ.
Сарсыарда Дьокуускайга күнүс -1… -3 кыраадыс билгэлииллэр. Киин оройуоннарга -3… -8, хотугулуу-илин — -9… -14 диэри.
Арҕаа оройуоннарга Арҕаа Сибииртэн сылаас салгын маассата таҕыста. Чугастааҕы сууккаҕа соҕуруулуу-арҕаа уонна соҕуруу +2 кыраадыска диэри күүтүллэр.
This post was published on 22.10.2025 08:21 08:21