Бээтинсэҕэ, атырдьах ыйын 29 күнүгэр, Дьокуускайга уонна үгүс оройуоннарга кыра ардах, сорох сирдэринэн — этиҥнээх буолара күүтүллэр.
УГМС иһитиннэрэринэн, хотугулуу-арҕаа, соҕуруу-арҕаа, соҕуруу, киин оройуоннар арҕаа өттүгэр кыра уонна орто ардах түһүүтэ сабаҕаланар. Алдаҥҥа уонна Нерюнгрига синоптиктар сөкүүндэҕэ 9-14 миэтэрэ тыаллаах этиҥи сэрэтэллэр.
Күнүс киин оройуоннарга салгын +18… +23 диэри сылыйыа, хотугулуу-арҕаа өттүгэр +11… +16 кыраадыс эрэннэрэллэр.
Дьокуускайга түүн үксүн ардаҕа суох буолуоҕа, салгын температурата +10… +12. Күнүс кыра ардах түһүө, +19… +21 кыраадыска диэри күүтүллэр.
