Балаҕан ыйын 3 күнүгэр Дьокуускайга Японияны кыайыы 80 сылыгар уонна Иккис аан дойду сэриитин бүтүүтүгэр аналлаах «Уһук Илиннээҕи Кыайыы» аахсыйа ыытыллыаҕа.
«Өйдөбүнньүк лиэнтэлэр тарҕаныахтара. Маны сэргэ лекциялар, кэпсэтиилэр, көрсүһүүлэр былааннанналлар. Үгүс бэтэрээннэрбит Японияны кытта сэриигэ кыттыбыттара. Биһиги биир дойдулаахтарбыт ааттарын үйэтитиигэ күүскэ үлэлиибит. Арассыыйа 19 регионугар Саха сирин олохтоохторун кыһыл көмүс уҥуохтара баар, бу регионнартан тоҕуһугар саха буойуннарыгар 16 пааматынньык туруоруллубут», — диэн РИА Новости интервьютугар өрөспүүбүлүкэ баһылыга Айсен Николаев кэпсээтэ.
1945 сыллаахха ССРС уонна Япония сэриилэрэ — 1945 сыл атырдьах ыйыттан балаҕан ыйын 2-гэр диэри салҕаммыта. Бу ый Уһук Илин уонна Бүтүн Азия-Тиихэй Акыйаан регионун историятыгар тутаах буолбута.
Балаҕан ыйын 2 күнүгэр америка «Миссури» линкоругар Япония капитуляциятын туһунан актаҕа илии баттаммыта.
Ол күн ССРС Үрдүкү Сэбиэтин президиумун ыйааҕын ыйааҕынан балаҕан ыйын 3 күнэ Японияны кыайыы бырааһынньыгынан биллэриллибитэ.
This post was published on 18.08.2025 15:00 15:00