Оптуорунньукка, балаҕан ыйын 5 күнүгэр, Саха АССР, РСФСР, ССРС үтүөлээх тренерэ Дмитрий Коркин төрөөбүт күнүгэр анаан мемориальнай дуоска аһыллыыта буолла. Боруонса дуосканы уһулуччулаах тренер олорбут дьиэтигэр Дзержинскай уулусса 8/3 аадырыска туруордулар диэн, СИА кэпсиир.
Үөрүүлээх тэрээһиҥҥэ Саха сирин физическэй култуураҕа уонна спорка миниистирэ Леонид Спиридонов, тренер иитиллээччилэрэ — олимпийскай чемпион Александр Иванов, Саха сирин спортивнай албан аат түмэлин дириэктэрэ Михаил Друзьянов, спортсменнар, тренердэр уонна спорт уопсастыбыннаһа кытыннылар.
This post was published on 05.09.2023 15:11 15:11