Дьокуускайга тохсунньу 7 күнүгэр «Үрдэл» сынньалаҥ пааркатын территориятыгар ыт дьахтарга саба түһүүтүнэн холуобунай дьыала тэрилиннэ.
Ол туһунан куорат уокуругун дьаһалтата иһитиннэрдэ.
Билигин киһиэхэ саба түһүүнү оҥорбут алабай боруодалаах ыт хаһаайынын көрдүүллэр. 65 маннык боруодалаах ыттаах, ветеринария управлениетыгар учуокка турар, дьон испииһэгинэн аадырыстарынан бэрэбиэркэ барар.
Куорат дьаһалтатыгар чуолкайдаабыттарынан, ыт өҥө сырдык, сааһа барыллаан — 2-3, моойторуктаах.
Маннык бэлиэлээх ыт хаһаайынын билээччилэр 402713, 402711 уонна 89841003080 төлөпүөннэринэн биллэрэргитигэр көрдөһөллөр.
This post was published on 30.01.2023 16:34 16:34