«Аҕа дойду Көмүскээччилэрэ» судаарыстыбаннай пуонда Саха сиринээҕи филиала « СВОбодный лед » бырайыагы сөргүтэр. Хас өрөбүл аайы анал байыаннай дьайыы кыттыылаахтарын оҕолоро Дьокуускайга «Эллэй Боотур» спортивнай комплекска катокка босхо сылдьыахтарын сөп.
Хаҥкылыыр сиргэ босхо сылдьарга «Аҕа дойду Көмүскээччилэрэ» госфонд филиалын социальнай сүрүннээччитин нөҥүө суруттарыахха сөп. «СВОбодный лед» бырайыак аан бастаан былырыын үлэҕэ киирбитэ.
Анал байыаннай дьайыыга сырдык тыынын биэрбит буойун дьиэ кэргэниттэн Уһун Ньургууна Уйгун кыыһа каток туһунан санаатын этэр. Кини этэринэн, кыыс оҕотун кытта хаҥкынан хатааһылаабыттар, сынньаммыттар, үөрбүттэр.
«Бэрт муус, эйэҕэс эйгэ, үчүгэй музыка. Биһиги кураторбытыгар Анна Андреевнаҕа өйөбүлүн, мэлдьи туһалаах иһитиннэриитин иһин ураты махталбын тиэрдиэхпин баҕарабын», — диэн бэлиэтээтэ Уһун Ньургууна Уйгун кыыһа.
This post was published on 14.10.2025 14:20 14:20