Саха сирин прокуратурата 8 мөл. солк. тахса суумалаах нолуок төлүүртэн куотуммут холуобунай дьыаланы суукка ыытта, диэн СИА-ҕа биэдэмистибэ пресс-сулууспата иһитиннэрдэ.
Тутуу тэрилтэтин салайааччыта тэрилтэ үбүн-харчытын уонна баайын-дуолун кистээбитин иһин буруйданар.
Силиэстийэ көрдөрөрүнэн, тутуу тэрилтэтин дириэктэрэ 2019 сыл тохсунньутуттан 2021 сыл кулун тутарга диэри нолуокка иэһи төлүүртэн куотуммут. Контрагеннарга суруктары ыытан, кини салайар тэрилтэтин суотун таһынан бэдэрээччиттэргэ кистэлэҥник харчыны көһөрө сылдьыбыт.
Прокуратура ирдиир сайабылыанньаны суукка көрдөрдө, силиэстийэ хаамыытын кэмигэр буруйданааччы баайын хаайдылар.
This post was published on 30.05.2022 18:03 18:03