Дьокуускайга Аҕа дойду улуу сэриитин бэтэрээнин, КПСС Саха сирин уобаластааҕы кэмитиэтин бастакы сэкирэтээринэн үлэлээбит Гавриил Чиряев олоҕун, үлэтин санаан аастылар. Тэрээһин судаарыстыбаннай деятель 99 сылыгар ананна. Пааматынньыгар сибэкки уурдулар.
Кэлэр сылга Гавриил Чиряев 100 сылын бэлиэтиэхпит. Онно бэлэмнэнии үлэтэ саҕаланна, диэтэ Ил Түмэн култуураҕа сис кэмитиэтин бэрэссэдээтэлэ Виктор Губарев.
Ыччат миниистирэ Пётр Шамаев бэлиэтээбитинэн, судаарыстыбаннай деятель билиҥҥи ыччакка холобур буолар. «Гавриил Чиряев олоҕор элбэҕи оҥорбута. Билигин бу биһиги көрөрбут, кини баарыгар саҕаламмыта. Ол иһин биһиги кини оҥорбут дьыалатын харыстыах уонна элбэтэн биэриэх тустаахпыт. Бүгүн манна элбэх ыччат муһунна. Өрөспүүбүлүкэбит, дойдубут сайдыытын туһугар ыччаттарбыт Чиряев курдук үлэлиэхтэрин баҕарабын», — диэтэ кини.
