Дьокуускайга алтынньы 30 күнүгэр куорат таһынааҕы Тулагы-Киллэм уонна Табаҕа сэлиэнньэлэригэр анал байыаннай дьайыы (СВО) кыттыылаахтарыгар сир учаастактарын түҥэттилэр. Бу туһунан Дьокуускай сир сыһыаннаһыыларын Агентствотыгар иһитиннэрдилэр.
Сэрэбиэй түмүгүнэн, 55 байыас сир учаастагын ылла, олортон 40-на Тулагы-Киллэм, өссө 15-һэ Табаҕаҕа. Ити СВО кыттыылаахтара, ыам ыйын 23 күнүгэр диэри учуокка туруорарга, сайабылыанньа биэрбиттэрин агентствоҕа чуолкайдаатылар.
2025 сыл саҕаланыаҕыттан Дьокуускайга СВО кыттыылаахтарын ортолоругар барыта 770 сир учаастага түҥэтилиннэ: Табаҕаҕа — 294, Тулагы-Киллэм — 476.
Аныгыскы түҥэтии күннэрин туһунан официальнай иһитиннэрии эбии бэчээттэниэҕэ. Сүбэни социальнай боппуруостарга салааҕа сэрэдэ аайы 14:00 чаастан 17:00 чааска диэри ыйытыаххытын сөп. Аадырыһа: Дьокуускай, Октябрьскай уулуссата, 20/1, 311 кабинет.
This post was published on 31.10.2025 15:26 15:26