Бүгүҥҥүттэн «Кружало» атыы эрээтэригэр кыһыл, үрүҥ көмүстэртэн кутуллубут, күндү таастардаах оҥоһуктары көрдөрөр өрөспүүбүлүкэтээҕи XVIII-с «Северное сияние» быыстапка үлэтин саҕалаата.
Тэрээһин Саха сиригэр алтынньы 23 күнүгэр ыытыллар ювелир күнүгэр сыһыары тутулунна.
«Кылгас кэм иһигэр биһиги уран тарбахтаах, идэтийбит үлэһитэрбит өрөспүүбүлүкэни, Арассыыйаны уҥуордаан аан дойдуга албан аатырдылар. Алмааһы бастыҥ кырыылааччылар норуоттар икки ардыларынааҕы алмаас ырыынагар аатыраллар», — диэн быыстапка аһыллыытыгар промышленность миниистирэ Андрей Панов эттэ.
Кини биэдэмистибэ наҕараадаларын үөрүүлээх быһыыга-майгыга туттарда.
Предпринимательство дьыалаларын миниистирин солбуйааччы Александр Андросов эҕэрдэлэргэ кыттыста. Кини ювелир, кырыылыыр промышленность күнэ Саха сиригэр эрэ бэлиэтэнэрин эттэ.
This post was published on 21.10.2016 16:11 16:11