Дьокуускайга олунньу 25 — 26 күннэригэр анал байыаннай дьайыы кыттыылаахтарыгар сир учаастагын үллэрэн биэрии бастакы түһүмэҕэ ыытыллар. Садоводство хайысханан учаастактар Килдэмҥэ уонна Табаҕаҕа бааллар.
Сарсын-өйүүн ыытыллар дьаһалга анал учуокка турбут сүүс киһи ыҥырылынна. Биллэрии ыытылынна. Пааспар наадалаах, бэрэстэбиитэл буоллаҕына — нотариус бигэргэппит дэбиэриннэһэ ирдэнэр.
Аадырыс: Октябрьская уулусса, 20/1, 3 этээс (303 кабинет), «Агентство земельных отношений» МКУ, 09.00 — 12.00 чаас.
Куорат дьаһалтатын пресс-сулууспата эппитинэн, салгыы уочарат бэрээдэгинэн үлэ барыаҕа. Барыта 1396 учаастак баар.
This post was published on 24.02.2025 16:54 16:54