Саха сиригэр түүҥҥү температура тымныйан иһэр. Саамай тымныы түүн ахсынньы 28 күнүгэр, хотугулуу-илин хайаларыгар күүтүллэр, онно синоптиктар -32… -37 кыраадыска диэри бэлиэтииллэр, диэн Дьокуускайдааҕы УГМС саайтыгар бэҕэһээ сурулунна.
Дьокуускайга ааспыт түүн -12… -14 кыраадыска диэри тымныйда, кыра хаар түстэ. Бүгүн күнүс сөҥүүтэ суох буолуо, -7… -9 кыраадыс эрэннэрэллэр.
Түүн киин оройуоннарга температура -10… -15, илин — -15… -20, хотугулуу-илин — -22… -27, хайаларга — -32… -37 кыраадыска, арҕаа — -3… -8 диэри бэлиэтэннээ.
Күнүс киин оройуоннарга -5… -10, соҕуруу -1… -6, хотугулуу-илин -17… -22 диэн суруйдулар. Соҕуруулуу-арҕаа — 3… +2 кыраадыска диэри сылаас буолуоҕа.
Эдьигээн, Кэбээйи, Булуҥ, Анаабыр оройуоннарыгар соҕурууттан тыал, күүһүрэр кэмигэр 15-18 м/с, түүн Булуҥ, Анаабыр оройуоннарыгар 18-23 м/с диэри күүһүрэрэ күүтүллэр.
Кыра хаар арҕаа уонна Арктика кытылыгар түһэр, Мииринэй, Ленскэй, Булуҥ, Анаабыр оройуоннарыгар — сорох сирдэринэн кыратык түһэн ааһыаҕа.
