Дьокуускайга «Талое озеро» диэн ааттаах күөл кытылыгар саҥа арт-эбийиэк баар буолла. Уопсай регистрга киллэриллэр уонна култуурунай сыаннастаах буолар, суруйар СИА.
«Биһиги бастакы бырайыакпытыгар Семен Афанасьев көмөлөстө — Дьокуускай куорат кылаабынай архитектора. Кини биир идеяттан сыалай бырайыак оҥоһулларын ситистэ. Биһиги кининэн киэн туттабыт. Бу арт-эбийиэгинэн Дьокуускай куорат худуоһунньуктарын уонна хампаанньаларын ааппытыттан архитектура, тутуу уонна история дириҥ суолтатын көрдөрөбүт», – диэтэ Айна Куртц, Aiart креативнай устуудьуйа салайааччыта. Кини эппитинэн, эбийиэк бизнес-киин конструкциятын уларытыаҕа уонна өрөспүүбүлүкэ худуоһунньуктара уруһуйдаабыт муралларыгар эбии буолуоҕа.
Бырайыак куорат эйгэтин уларытыыга ВЭБ.РФ «5 шагов для городов» бырагырааманан оҥоһулунна.
Текст Валерия Иванова
