Дьокуускай куоракка сөтүөлүүр сири сайыҥҥы кэмҥэ бэлэмнээһин ыытыллар. “Куорат хаһаайыстыбатын үлэлэтэр сулууспа” тэрилтэ дириэктэрэ Виталий Чикачев эппитинэн, пляжтан бөҕү-сыыһы тиэйдилэр, ууруналары туруордулар, тупсарар үлэлэр ыытылыннылар.
“Бүгүҥҥү күннээҕи туругунан, сүрүн үлэлэр толорулуннулар. Кэлэр нэдиэлэҕэ водолазтар уу аннын ыраастыахтара. Бэрээдэги көрөргө чааһынай тэрилтэни кытта дуогабар түһэрсилиннэ”, — диэтэ кини.
СИА.
