15 От ыйа 15.07
  • 30°
  • $ 87,74
  • 95,76

Дьокуускайга реклама баннерын щитыгар эмсэҕэлээбит дьахтар олохтон туораата

Читайте нас на
Яндекс Новости
ЯДВ

Балаҕан ыйын 16 күнүгэр Дьокуускайга күүстээх тыал түспүтэ. Ол күн Өрүс пуордун  оройуонугар киһи эчэйиилээх иэдээн тахсыбыта. Реклама баннерын щита аҕам саастаах дьахтар үрдүгэр сууллубута.

Улуустан киирэ сылдьар эмсэҕэлээбит дьахтары суһаллык балыыһаҕа илдьибиттэрэ.  Ол эрээри эмсэҕэлээбит дьахтар баара-суоҕа 58 эрэ сааһыгар олохтон туораабытын туһунан сурах кэллэ. Бу туһунан кини балта Екатерина Яковлева санаатын үллэһиннэ.

-Эдьиийбит Клавдия ылбыт эчэйиилэриттэн сылтаан иккис эпэрээссийэни сүрэҕэ тулуйбакка олохтон туораата.Тапталлаах ийэ, эбээ маннык быстахха былдьанан олохтон туоруура иэдээн буоллаҕа. Дьыала тиһэҕэр тиэрдиллэн буруйдаах сокуон иннигэр эппиэттиэ диэн эрэнэбит. Эдьиийим көмүс уҥуоҕун дойдутугар, Мэҥэ Хаҥалас Сыымаҕар таһаарабыт.

Бэлиэтээнсуруйдахха, Арассыыйа Федерациятын холуобунай кодексат.ын 238 ыст 1 ч «в» п. киһи олоҕор сэрэхтээх буолуу ирдэбилигэр эппиэттээбэт тэрили харайыы, өҥөнү оҥоруу, табаары атыылааһын, үлэни толоруу иһин киһини  эчэйиигэ эбэтэр өлүүгэ тиэрдии иһин холуобунай дьыала тэриллибитэ.

Ульяна Захарова, Саха сирэ

Следите за самым важным и интересным в Telegram-канале и WhatsApp-группе ЯСИА