Бэс ыйын 7 күнүгэр Өрөспүүбүлкэ болуоссатыгар ыал буолуу бастакы сиэрэ-туома ыытыллыаҕа. Василина Шахурдина уонна Борис Трофимов тапталларын сурукка туоһулуохтара. Муус устар 27 күнүгэр, быһа холбонуу кэмигэр, эдэрдэр Ил Дархан Айсен Николаевы өрөгөйдөөх күннэригэр ыҥырдылар.
«Өрөспүүбүлүкэ болуоссатын саҥардарбытыгар, манна ыччат дьон, саастаах көлүөнэ уонна оҕолорбут тэҥинэн сылдьар буолалларыгар былааннаабыппыт. Өрөспүүбүлүкэ күнүн саҥардыллыбыт болуоссакка аан бастакытын тэрийдибит, Дьокуускай олохтоохторо уонна ыалдьыттар сөбүлээтилэр», — диэтэ Айсен Николаев.
Өрөспүүбүлүкэ болуоссатын таһынан, ыал буолуу сиэрин-туомун Өлүөнэ остуолбаларыгар, Дьокуускайдааҕы сынньалаҥ пааркатыгар оҥоруохха сөп. ГТАС управлениетын салайааччыта Дария Слепцова эппитинэн, ыал буолууну туоһулуур өрөгөйдөөх күнү бэлиэтиир миэстэ кэҥэтиллэн иһиэҕэ.
This post was published on 28.04.2025 17:03 17:03