Дьокуускайга Орджоникидзе болуоссатын өрөмүөннээһини ыытыыга 500-чэкэ квадратнай миэтэрэ иэннээх сиргэ итэҕэстэр бааллар. Ол туһунан сэтинньи 10 күнүгэр куорат былаанныыр мунньаҕар иһитиннэрдилэр.
Тротуар плиткаларын олохторо сыыһа оҥоһуллубуттарыттан, тэҥэ суох үктэл үөскээбит. Көстүбүт итэҕэстэр бары докумуоҥҥа сурулуннулар уонна олор туоратыллыахтарыгар диэри өрөмүөн үлэтин иһин төлөбүр оҥоһуллубат, диэн мэрияҕа чуолкайдаатылар.
“Бэдэрээтчиккэ 2026 сылга ыам ыйын бүтүөр диэри бэлиэтээһини туоратар туһунан ыйаах ыытылынна”, — диэн иһитиннэриигэ этиллэр.
Санатар буоллахха, Дьокуускайга Орджоникидзе болуоссатын өрөмүөннээһин чэрчитинэн «нулевой километр» бэлиэ көһөрүллүбүтэ. Эрдэ ЛОРП дьиэтин таһыгар баара.
This post was published on 10.11.2025 12:24 12:24