V Саха сиринээҕи норуоттар икки ардыларынааҕы аныгы искусство BY -18 биенналетын (быыстапка) үөрүүлээх арыллыыта бэс ыйын 22 күнүгэр Дьокуускай куоракка Хомсомуол болуоссатыгар киэһээ 18:00 чаастан буолуоҕа. Сүрүн тэрийээччи: Саха Өрөспүүбүлүкэтин Национальнай художественнай мусуойа.
Биеннале сүрүн тиэмэтэ – “City-M” (сахалыы “ситим”). Куораты уонна мусуойу ситимниир, түмэр санаалаах уонна суолталаах тэрээһин. Ону таһынан, биеннале тас дойдулар уонна Россия сүрүн худуоһунньуктарын Саха сиригэр бииргэ түмэн доҕордоһуу ситимин үөскэтэр.
Тэрээһин атырдьах ыйын бүтэһигэр диэри буолуоҕа, биеннале бириэмэтигэр араас туһалаах тэрээһиннэр булуохтара: маастар-кылаасстар, лиэксийэлэр, көрсүһүүлэр, дьарыктар уо.д.а.
Афанасий НОЕВ, «Саха сирэ» хаһыат, edersaas.ru
This post was published on 19.06.2018 14:55 14:55