Быйыл “Кыһыл көмүс куупаллар” өрөспүүбүлүкэтээҕи XVII пасха бэстибээлэ муус устар 8-15 күннэригэр ыытыллыаҕа. Тэрээһин үгэс курдук Киристиэс Сырдык Баскыһыанньатыгар аһыллыаҕа.
Бэстибээли СӨ Опера уонна балет тыйаатырын солистара уонна СӨ симфоническай оркестра кыттыылаах улахан кэнсиэр арыйыаҕа. Тэрээһин чэрчитинэн инбэлиит оҕолору уонна кыаммат ыал оҕолорун аһымал эбиэтинэн күндүлүөхтэрэ.
“Кыһыл көмүс куупаллар” – бу кэнсиэртэр эрэ буолбакка, быыстапкалар, маастар-кылаастар, лиэксийэлэр, киинэлэр, кэнсиэртэр.
Бэстибээл Саха сирин оройуоннарын эмиэ хабыаҕа. Ол курдук, маннык тэрээһиннэр Ленскэйгэ, Нерюнгрига уонна Уус Маайа улуустарыгар барыахтара.
Вероника Аммосова, СИА.
This post was published on 07.04.2018 15:30 15:30