Бүгүҥҥү күҥҥэ саҥа микрооройуоҥҥа 15 элбэх кыбартыыралаах дьиэ, элбэх хайысхалаах спортсаалалаах сабыылаах каток баар. 2025 сылга өссө икки дьиэни тутан киллэрэр былааннаахтар, 2026 сылга — үс куорпустаах дьиэни. В сектор тутуута былааннанар.
Ыспыраапка
Вера Захарова Аҕа дойду улуу сэриитигэр сөмөлүөт штурвалыгар олорбут бастакы уонна соҕотох саха кыыһа буолар. Кини санитарнай сөмөлүөккэ фронт линиятыттан бааһырбыт байыастары таһара. 1944 сыл атырдьах ыйыгар диэри 180-тан тахса көтүүнү оҥорбута, кини кынаттаах санитара 200-чэ олоҕу быыһаабыта.
Бойобуой сорудаҕы толоро сырыттаҕына 1944 сыллаахха кини сөмөлүөтүн суулларбыттара, бэйэтин бааһырбыт кыыһы билиэн ылбыттара. Кини фашист концлааҕырын тулуйан, сөмөлүөтүгэр төннүбүтэ уонна Берлиҥҥа тиийбитэ. Кыайыы кэнниттэн рейхстаг истиэнэтигэр суруйбута: «Захарова из Якутска» диэн.
Бойобуой үтүөлэрин иһин хорсун летчица Аҕа дойду сэриитэ уордьан 2 степенинэн, «За победу над Германией», «20 лет победы над Германией», «50 лет Вооруженных сил СССР» мэтээллэринэн наҕараадаламмыта.
