Боруонсаттан монумены сахалартан бастакы Сэбиэскэй Сойуус Дьоруойа Федор Кузьмич Поповка анаан кини аатынан сквергэ арыйыахтара. Киин куоратын Кыайыы пааркатыгар аатырбыт артиллерист Гавриил Дмитриевич Протодьяконовка пааматынньыгы туруоруохтара. Ону таһынан, ыам ыйын 7 күнүгэр «Город трудовой доблести» стелаҕа анаммыт тэрээһиннэр ыытыллыахтара.
«Кыайыы күнэ биһиги дойдубутугар, кини хас биирдии олохтооҕугар — сырдык бырааһынньык. Улуу Кыайыы 80 сыла — дойдуга РФ бэрэсидьиэнэ Владимир Путин биллэрбит Аҕа дойдуну көмүскээччи сыла, өрөспүүбүлүкэҕэ Ийэ дойдуну көмүскээччи сыла. Онон бу икки төгүл эппиэтинэс буолар. Үбүлүөйдээх тэрээһиннэр өрөспүүбүлүкэҕэ сыл устата ыытыллыахтара», — диэн Айсен Николаев эттэ.
Өрөспүүбүлүкэ баһылыга бэлиэтииринэн, ыам ыйын 9 күнүгэр, Дьокуускайга Аҕа дойдуну көмүскээччилэригэр анаммыт саҥа храм арыллыаҕа.
Бүгүҥҥү күҥҥэ өрөспүүбүлүкэҕэ олорор Аҕа дойду Улуу сэриитин 13 958 бэтэрээнигэр номнуо биир кэмнээх төлөбүр оҥоһулунна. Төлөбүр суумата 172 мөл тахса солк. Ол иһигэр Аҕа дойду Улуу сэриитин кыттыылаахтарыгар — 2 мөл солк.
Россия бэрэсидьиэнин сорудаҕынан, региоҥҥа олорор Аҕа дойду Улуу сэриитин кыттыылаахтарыгар «Саха Өрөспүүбүлүкэтин бочуоттаах олохтооҕо» диэн үрдүк аат иҥэрилиннэ.
Хаартыска: Андрей Сорокин / СИА
This post was published on 30.04.2025 15:17 15:17