29 Кулун тутар 29.03
  • -14°
  • $ 92,26
  • 99,71

Дьокуускайга Кыайыы 77 сылыгар анаммыт ат сүүрдүүтүгэр аммалар биэс дистанцияҕа мэтээл ыллылар

09:01, 11 мая 2022
Текст:
Читайте нас на
Яндекс Новости
ЯДВ

Бэҕэһээ Дьокуускайга Кыайыы 77, Саха АССР 100 сылларыгар уонна Украинаҕа анал байыаннай дьаһалы өйүүргэ анаммыт ат сүүрдүүтэ буолла. Күрэхтэһиигэ аҕыс дистанция стартаата.

Сааскы сүүрдүүгэ фавориттар уонна саҥа биэтэккэ турааччылар Саха сирин муниципальнай тэриллиилэриттэн кытыннылар. Амма улууһуттан тоҕус сүүрүк стартка таҕыста.

Түмүккэ биэс дистанцияҕа кыайыылаахтарынан уонна призердарынан Амма биэс сүүрүгэ ааттанна:

2000 м 4 уонна онтон үөһэ саастаахтарга бастыҥ көрдөрүүнү «Давидофф» ата Свидетель Барс ситистэ, бириэмэтэ – 2:15,54.

2:53,44 көрдөрүүлээх 2400 м 3 уонна онтон үөһэ саастаахтарга Блэк Грек («Давидофф») кыайда.

Бастакы уонна иккис миэстэни 2 уонна онтон үөһэ саастаахтарга 800 м И.Я. Строд аатынан ТХПК аттара, туһааннааҕынан, Верба уонна Али Баба ыллылар.

Иккис миэстэҕэ 1:51,56 бириэмэ көрдөрүүлээх 1600 м 3 уонна онтон үөһэ саастаахтарга Саха сиригэр төрөөбүт Найт Шот («Давидофф») буолла.

1800 м 3 уонна онтон үөһэ саастаахтарга 1:55,46 көрдөрүүлээх иккиһинэн Торреро (И.Я.Строд аатынан ТХПК) кэллэ.

Кыайыылаахтары уонна призердары Амма улууһун олохтоохторо эҕэрдэлииллэр диэн, оройуон дьаһалтатын телеграм-ханаалыгар суруйда.

Хаартыска: Барс-свидетель, Дьулустаан Сергеев түһэриитэ, СИА

Следите за самым важным и интересным в Telegram-канале и WhatsApp-группе ЯСИА