Субуотаҕа, кулун тутар 28 күнүгэр, култуура уонна сынньалаҥ пааркатыгар «Дьокуускай, сааһы көрүс» куорат бырааһынньыга буолуоҕа. Ол туһунан мэрия дьаһалтатын пресс-сулууспата иһитиннэрдэ.
Кыһыны атаарыы сүрүн тэрээһиннэрэ күнүс 1 чааска пааркаҕа саҕаланыаҕа. Самодеятельнай кэлэктииптэр, норуодунай үҥкүү, ыры ансаамбыллара кыттыылаах бырааһынньыктааҕы бырагыраама күүтэр. Аттракционнар уонна фуд-корт үлэлиэхтэрэ.
Оҕолорго оонньуур былаһааккалар тэриллиэхтэрэ, куонкурустар уонна оонньуулар буолуохтара. Улахаттарга ким сымсатын, күүстээҕин быһаарар күрэхтэһиилэр буолуохтара, маны сэргэ килииннээн утарсан киирсиигэ көрдөрүү уонна маастар-кылаас ыытыахтара.
