Дьокуускайга култуура уонна сынньалаҥ пааркатын сааскы сезоҥҥа бэлэмнииллэр — дьон сатыы хаамар сирэ ыраастанар, хаар таһаарыллар, аттракционнар сөргүтүллэллэр. Ол туһунан уопсастыбаннай миэстэлэри салайар куорат киинэ иһитиннэрдэ, суруйар «Эхо столицы».
Куорат баһылыга Евгений Григорьев тупсаран оҥоруу үлэтин түргэтэтэргэ эттэ, «Кыһыны атаарыы» бырааһынньыгар паарка бэлэм буоларыгар соруйда. Норуот сааскы күүлэйэ кулун тутар түмүктүүр өрөбүлүгэр буолар, быйыл 30 чыыһыла түбэһэр.
Санаттахха, кулун тутар 15 күнүгэр Ийэ болуоссатыгар уонна Сайсары күөлгэ «Битва на Ильмене» байыаннай-историческай реконструкция буолла , тэрээһин Аҕа дойду улуу сэриитигэр Кыайыы 80 сылыгар ананар. Реконструкцияҕа 400 киһи 23 оскуолаттан уонна куорат үөрэҕин тэрилтэлэриттэн кытынна.
This post was published on 17.03.2025 11:01 11:01