“Саха сиригэр бэлитиичэскэй сыылка историята” мусуой-дьиэҕэ СӨ Иркутскай-Саха сирин почта тыраагын олохтоммута 275 сылыгар анаммыт “Күн судаар сулууспатыгар” быыстапка арылынна.
Ем.Ярославскай аатынан мусуой дириэктэрэ Егор Шишигин регион сайдыытыгар дьаамсыктар киллэрбит кылааттарын аҕынна. “Өлүөнэ дьаамсыктара Саха сирин историятыгар улахан оруоллаахтар, кинилэр “улахан сири” кытта сибээһи олохтообуттара”, — диэтэ Егор Спиридонович.
Дириэктэр маны сэргэ “Күн судаар дьаамсыктарын удуьордара” регионнааҕы уопсастыбаннай тэрилтэ бэрэссэдээтэлэ, СӨ судаарыстыбаннай Мунньаҕын (Ил Түмэн) Бэрэссэдээтэлин бастакы солбуйааччы Анатолий Добрянцев дьаамсыктар ыыппыт үлэлэрин сөргүтүүгэ уонна харыстааһыҥҥа улахан үлэни ыытарын бэлиэтээтэ.
Анатолий Добрянцев бу олус наадалаах, интэриэһинэй быыстапка буоларын эттэ. Манна араас хаартыскалар, историческай матырыйааллар, экспонаттар туруоруллубуттарын дьон сэргиэҕэ.
СИА.
This post was published on 22.04.2018 13:55 13:55