Кулун тутар саҥатыгар Дьокуускай куорат Ленин проспегар 3 киһи өлүүлээх суол саахалын кэнниттэн, ГАИ парковка быраабылатын тутуһууну көрүүтүн күүһүрдэр. Ол иһигэр көҥүлэ суох уонна сыыһа парковкаламмыт массыыналары эвакуаторынан тиэйэн ылыахтара.
Бэлиэтээн эттэххэ, эвакуацияламмыт массыыналары ыстырааптыыр сиргэ туруоруу төлөбүрэ ботуччу буолар. Ол курдук, 3,5 туоннаҕа диэри массыыналарга чаас ахсын 48 солк. 62 харчы ааҕыллар уонна эвакуатор өҥөтүгэр 5565 солк. тутуллар, оттон 3,5 туоннаттан тахса тырааныспарга хас чаас ахсын 97 солк. 24 харчы уонна эвакуатор өҥөтүгэр 11130 солк. тутуллар.
Дьокуускайдааҕы ГАИ отделын дааннайынан, 2024 сыл устата киин куоракка парковка быраабылатын кэһии иһин 300-чэкэ суоппар ыстарааптаммыт. Ортотунан сууккаҕа 1 суоппар ыстарааптанар диэн суруллар. Оттон 2025 сыл саҥатыттан барыта 50-ча суоппар ыстарааптаммыт, суруйда Саха сирэ саайт.
This post was published on 18.03.2025 12:13 12:13