Өрөспүүбүлүкэ киин куоратыгар бэҕэһээ көҥүлэ суох миитин кыттыылаахтара тутуллубуттара. Тутуллубуттар ортолоругар “Якутия” хаһыат суруналыыһа Аламжи Будаев баара.
“Мин онно бэйэм идэм аналынан сылдьыбытым. Куорат ортотугар көҥүлэ суох миитин ыытылла турарыгар полиция тугу да ылымматаҕа. Мин ханнык даҕаны лозуннары хаһыытаабатаҕым эрээри, манна миэхэ атыны дакаастыы сатыыллар”, — диэн биһиги кэрэспэдьиэммит полиция отделениетын актовай саалатыттан тириэрдибитэ.
Саха сирин ИДьМ управлениетыгар бу тутуулар тустарынан дьиҥнээх иһитиннэриини биэрэргэ бэлэмнэнэллэр.
“Якутия” хаһыат суруналыыһын Аламжи Будаевы арыый хойутуу дьиэтигэр ыыппыттара.
Айаал Яковлев.
