16 От ыйа 16.07
  • 17°
  • $ 87,81
  • 95,78

Дьокуускайга үҥкүү бырааһынньыга буолла

13:01, 13 апреля 2018
Текст:
Читайте нас на
Яндекс Новости
ЯДВ

ДьТХА манеһыгар үрдүк тэрээһиннээх сэргэх күрэхтэһии буолбут. Турнирга Дьокуускайтан “Квик-степ”, “Реверанс”, “Dance with me”, “Sunrise”, “Мозаика”, “Калипсо”, Ленскэйтэн “Румба”  уонна Мирнэй куораттан спортивнай үҥкүү отделениетын иитиллээччилэрэ күөн көрүстүлэр. Күрэхтэһиини “Алмазэргиэнбаан” АКБ АУо өйөбүлүнэн “Союз танцевального спорта” РСУоТ тэрийдэ диэн Якутск.рф. иһитиннэрэр.


Өрөспүүбүлүкэ чөмпүйүөнүн аатын ылар иһин түһүлгэҕэ барыта 275 спортсмен, ол иһигэр 103 паара уонна 69 спортсмен “соло” хайысхаҕа күрэстэспиттэр. Күрэхтэһии “Оҕолор”, “Юниордар”, “Ыччат”, “Хобби-класс”, ону сэргэ, холбонуллубут бөлөхтөрүнэн уонна европейскай, латино-американскай үҥкүүлэргэ туспа бырагыраамаларынан ыытыллыбыт.

Тэрээһин иннинэ судьуйалар квалификацияларыгар анал сэминээр ыытыллыбыт. Аттестациялыыр хамыыһыйаны Хабаровскай кыраайтан ыҥырыынан кэлбит Александр Веретенников, хамыыһыйа чилиэннэрэ Татьяна Снигур уонна Иркутскайтан Лариса Федоренко сыаналаабыттар.

Бастыҥнарга махтал суруктар туттарыллыбыттар. Түмүккэ тэрээһин кыттыылаахтара маннык күрэстэһиилэр үлэни сайыннарарга, регионнааҕы уонна арассыыйа таһымнаах күрэхтэһиилэргэ кыттарга тирэх буолалларын бэлиэтээбиттэр.

СИА.

Следите за самым важным и интересным в Telegram-канале и WhatsApp-группе ЯСИА