Дьокуускайга 2024-2026 сыллары инфраструктура сайдыытын үс сылынан биллэрдилэр. Ол туһунан куорат баһылыга Евгений Григорьев уопсастыбаннаһы кытта мунньаҕар эттэ.
Кини эппитинэн, ааспыт үс сылга тутууга уонна саҥа эбийиэктэри үлэҕэ киллэриигэ рекорд олохтонно. Күн бүгүн 12 үөрэх уонна спортивнай эбийиэк тутуллар, онтон биэһэ бүттэ. Маны сэргэ 13 куорат оскуолатыгар хапытаалынай өрөмүөн ыытыллар.
38 аадырыска олбуор территориялара өрөмүөннэнэллэр.
Сыллааҕы былаан туолла дьиэ тутуутугар (350 тыһ кв м), суол өрөмүөнэ (29 км), ичигэс остановка (10), оптуобустар саҥардылыннылар (40).
«Инникитин өрөспүүбүлүкэ уонна федеральнай киин өйөбүлүнэн уопсастыбаннай тырааныспар, гаастааһын, ардах уутун ыытар систиэмэ, ыраастыыр тэриллэр, уунан хааччыйыы, уулуссалары сырдатыы, элбэх оҕолоох ыалларга сир учаастактарыгар инфраструктураҕа кыаҕы уонна күүһү ууруохпут. Бу Дьокуускай 2030 сылга диэри маастар-былаанын олоххо киллэрии буолар, олох хаачыстыбатын тупсарыыга», — диэтэ Евгений Григорьев.
This post was published on 27.12.2023 11:01 11:01