Дьокуускайга алтынньы 16 күн киэһэ Якутское уулуссаҕа икки этээстээх дьиэ умайда. Баһаарга 43 саастаах эр киһи эмсэҕэлээтэ. Бу туһунан Саха сиринээҕи ЫБМ пресс-сулууспата иһитиннэрэр.
Быһылаан туһунан иһитиннэрии баһаарынай-быыһыыр сулууспаҕа бэнидиэнньиккэ 19:15 чааска киирбит. Баһаарынайдар биэс мүнүүтэнэн быһылаан тахсыбыт миэстэтигэр кэлбиттэр. Бу кэмҥэ иккис этээскэ баар кыбартыыраттан буруолуу турбут.
Баһаартан үс киһини эвакуациялаабыттар. Алта квадратнай миэтэрэ иэннээх куукунаҕа уот баар миэбэли хаарыйда. Баһаарынайдар оперативнай үлэлэрин түмүгэр дьон олорор дьиэтэ быыһанна.
Баһаар биричиинэтинэн табаҕы сэрэҕэ суох тардыы буолбута ыйыллар. Буруйдааҕы быһаардылар.
This post was published on 17.10.2023 17:36 17:36