Олунньу 24 — 28 күннэригэр Дьокуускайга үтүөлээх тренер Константин Туприн аатыгар хотугу многоборьеҕа күрэхтэһии буолар. Биэс көрүҥҥэ киирсиэхтэрэ: сүгэ быраҕыыта, үс төгүл ыстаҥа, наартаны ойуу, хорейга тынзян быраҕыыта уонна паалкалаах сүүрүү, суруйар Спорт Якутии.
Чемпионат тус уонна хамаанданан киирсиигэ ыытыллар, РФ хотугу многоборьеҕа Федерациятын бигэргэммит быраабылалара тутуһуллаллар. Сүүмэрдэммит хамаандаларга биэстии киһи киирэр: бэтэрээн, эр киһи, дьахтар, уол уонна кыыс.
Быйылгы старт умсугутуулаах. Тоҕо диэтэххэ, өрөспүүбүлүкэ хас да төгүллээх чемпиона, Россия муҥутуур кыайыылааҕа Алексей Созонов, аармыйаҕа сулууспалыырынан, күрэхтэһиини көтүтэр.
Кыайыылаахтар мэтээлинэн, кырааматаларынан наҕараадаланыахтара. Хамаанда — Кубогынан. Бастыҥ спортсменнар өрөспүүбүлүкэни дойду күрэхтэһиилэригэр көмүскүөхтэрэ.
Бырагырааманы сиһилии манна киирэн көрүҥ: https://ysia.ru/v-yakutske-startuet-chempionat-respubliki-po-severnomu-mnogoboryu/
This post was published on 24.02.2021 12:03 12:03